Sunnfjord næringspark
– ein attraktiv stad for etablering
Sunnfjord Næringspark er plassert ved E39, like ved det mest folkerike området i fylket. Vi har i samarbeid med Eviny ein ambisjon om å tilby ein moderne og framtidsretta næringspark som legg til rette for å utnytte og bruke alternative energiformer.
Sentral plassering ved E39 og fly til Oslo på 55 minutt.
Enkelt å velje grønt, t.d. eigen straumproduksjon med solceller.
Kraftknutepunkt midt i parken – utnytt overskotskrafta i NO3.
Utviklinga på 70-talet i Førde med skipsverft, flyplass, sjukehus og handelshus førte til at Førde i løpet av få år gjekk frå 4000 innbyggjarar til over 13 000 innbyggjarar. I dag har den nye, samanslåtte Sunnfjord kommune over 22 000 innbyggjarar. Som vertskommune for fleire direktorat, høgskule og fagskule, sentralsjukehus, fylkeskommune, fylkesmann, bank og forsikring, kan Førde vise til høg grad av kompetansearbeidsplassar.
Sentralt og framtidsretta
E39 går rett gjennom byen, noko som gjer kommunikasjonen til omverda rask og enkel, anten ein reiser med bil, buss eller fly. Flytida Bringeland-Gardermoen er cirka 55 minutt. Det er med andre ord ikkje meir enn ein dryg time frå Førde til Oslo. Vi arbeider saman med Vestland fylkeskommune om ei el-flyrute mellom Førde og Bergen.
Klart i løpet av 2025
Første byggetrinn av Sunnfjord næringspark vart opna i 2020. Målet er at heile Sunnfjord næringspark vil vere klar innan 2025. Det er vedteken eigen områdeplan, og det blir arbeidd med ein ny detaljreguleringsplan som vil vere ferdig ultimo 2024. Vi tek likevel sikte på å starte opp anleggsarbeidet i siste delen av parken før sommaren 2024.
Heile parken med grøntareal vil vere på 300 dekar medan den opparbeidde delen om lag 230 dekar. Mykje av infrastrukturen er på plass, men det står igjen noko meir tilrettelegging for gang- og sykkel samt bru over Jølstra midt i parken.
Moskog – kraftknutepunkt midt i næringsparken
Sunnfjord Næringspark ligg like ved Moskog Transformatorstasjon og har ein gunstig plassering for å utnytte den tilgjengelege overskotskrafta i NO3.
Elva Jølstra som renn rett gjennom næringsparken, legg samstundes grunnlaget for Jølstra kraftverk lenger oppe i vassdraget. Kraftverket produserer 252 GWh. Med transmisjons- (420 kV) og regionalnettet (132kV) er Moskog er eit av dei største kraftknutepunkta i landet.
Det skal vere enkelt å velje grøne løysingar
Plasseringa av parken gjer det òg attraktivt å sjå på eigenproduksjon av straum og varmtvatn ved å sette opp solceller. I tillegg er termiske energikjelder òg aktuelt. Det gjeld vatn frå elva Jølstra, uteluft og energibrønnar. Sunnfjord næringspark er delvis opparbeida på masser som er tatt ut i samband med bygginga av Jølstra Kraftverk. Under området går utløpstunnelen frå kraftverket, før det det vert leia tilbake til Jølstra like før Movatnet. Vi har derfor sett på muligheiten til å utnytte vatnet i denne tunnelen til kjøling, for å utnytte meir av potensialet i elva utan å utføre nye naturinngrep.
Gjeldande reguleringsplan
Ta kontakt
Ønskjer du meir informasjon eller å diskutere moglegheitene for å bli ein del av næringsparken? Ta kontakt med ein av våre kontaktpersonar nedanfor for skreddarsydde løysingar som møter behova dine. Vi ser fram til å høyre frå deg.
Gisle Stafsnes
Salsansvarleg og dagleg leiar i Sunnfjord Tomteselskap
Tlf. 916 13 487
E-post: gisle.stafsnes@sunnfjord.kommune.no
Ole John Østenstad
Prosjektleiar Sunnfjord Næringspark
Tlf. 901 79 283
E-post: ole.john.ostenstad@sunnfjord.kommune.no